A campaña, que quere axudar a promover o uso do galego no ensino e na vida escolar, está dirixida ós profesores, ós alumnos de todos os centros de ensino, e está organizada pola Consellería de Educación e Ordenación Universitaria, a través da Dirección Xeral de Política Lingüística.
A escola en Galicia ten, por lei, o deber de conseguir para o alumnado a igualdade entre as dúas linguas oficiais da nosa comunidade e, aínda recoñecendo que ninguén fixo máis cá escola pola lingua galega, seguimos pedíndolle máis: que as canles de comunicación entre profesores e entre estes e os alumnos e os pais de alumnos se enchan co idioma galego. Hai que falar galego, lelo e escribilo, usalo, dentro e fóra das aulas, e evitar o seu esmorecemento.
Esta campaña quere contribuír a animar a cantos comprometidos no proceso de normalización lingüística dos centros e axudalos a superar algunhas dificultades.
No labor de recuperación da nosa lingua agradecemos calquera iniciativa que beneficie o seu uso, ó tempo que achegamos as nosas axudas.
- Entre Nós
- 48 páginas
