Apelamos a todas as pessoas interessadas para discutir e definirmos as estratégias, mas, sobretudo, para levarmos a termo alguma iniciativa concreta neste âmbito, onde o galego seja em realidade língua veicular de ensino, relaçom e comunicaçom, garantindo deste jeito a sua transmissom efeitiva assim como o seu uso e pervivência futuros.

Un aire de primavera en forma de titular de prensa acaba de achegarse a todos nós ao anunciar a Vicepresidencia da Xunta de Galicia a creación en dous anos de 99 novos centros de educación infantil para a etapa 0-3 anos, para poder dar servizo público a máis de 5500 nenos e nenas e a case a outras tantas familias, a fin de favorecer a conciliación da vida familiar e laboral. Serán, ademais, escolas en galego.

As galescolas son un proxecto que potencia a educación en galego e na tolerancia e no respecto, superador do concepto de garda e custodia, consciente da necesidade de transmitir valores e habilidades sociais que tradicionalmente se inculcaban no ámbito familiar, onde case sempre as mulleres eran as encargadas da tarefa.

Parques e xardíns públicos, cemiterios, igrexas... deben recuperarse como espazos para recrear a historia local comunitaria. No caso dos parques e xardíns aceleraríase, ademáis o seu deseño como espazos de interacción comunitaria nos que rapaces e mozas se sentirán seguros e atendidos.

Unha das situacións que continúa a reforzar este panorama é o rearme das opcións políticas conservadoras e neoliberais. Estas políticas inciden en que as cuestións sociais referidas ás desigualdades e formas de opresión, os asuntos que teñen que ver coa loita contra o racismo, o sexismo, o idadismo, os fundamentalismos relixiosos e políticos, o clasismo sexan contemplados como perigosos e que poden complicarnos a vida. Por iso mesmo, unha saída típica está sendo o escapismo.

Os xogos en grupo, acompañados de cantareas que co paso do tempo tórnanse en tradicionais, son unha magnífica oportunidade para entrar en contacto e experimentar coa nosa cultura popular.